राष्ट्रपतिद्वयबीचको वार्तालापलगत्तै चिनियाँ राजदूतको घोषणा : नेपाललाई १० लाख डोज खोप दिन्छौं

काठमाडौं, जेठ १२ – चीनले नेपाललाई १० लाख डोज कोरोना भाइरसविरुद्धको खोप अनुदान दिने भएको छ । आज बुधबार नेपाल र चीनका राष्ट्रपतिबीचको टेलिफोन कुराकानीमा चिनियाँ राष्ट्रपति सी जिनपिङले १० लाख डोज खोप दिने घोषणा गरेको चिनियाँ राजदूत हाउ यान्छीले पुष्टि गरेकी छिन् ।

यसअघि चीनले नेपाललाई ८ लाख डोज भेरोसेल खोप अनुदानमा दिएको थियो । बुधबार राष्ट्रपति विद्यादेवी भण्डारी र चिनियाँ राष्ट्रपति सी जिनपिङ बीच भएको टेलिफोन कुराकानीमा उक्त सहमति भएको हो ।