राष्ट्रपति भवन अगाडि प्रदर्शन गर्ने युथ कांग्रेसका कार्यकर्ता पक्राउ

काठमाडौं, जेठ ९ –  प्रतिनिधि सभा विघटनको विरोध गर्दै राष्ट्रपति भवन शीतल निवास अगाडि प्रदर्शन गर्ने युथ कांग्रेसका नेता/कार्यकर्ता पक्राउ परेका छन्  ।प्रतिगामी कदम खारेज, संसद् विघटनको निर्णय फिर्ता, राष्ट्रपति एक दलबाट परिचालित हुन नहुने लगायतका नारा र प्ले कार्ड बोकेर शीतल निवासको गेट नजिकै प्रदर्शन गरेका कार्यकर्तालाई प्रहरीले पक्राउ गरेको हो ।

युथ कांग्रेस नेपालका राष्ट्रिय संयोजक सचिन तिमल्सेना, केन्द्रीय सदस्य मनोज पुरी, वाग्मती प्रदेश संयोजक साजन योञ्जन लगायत पक्राउ परेका केन्द्रीय सदस्य विद्युत् लामिछानेले जानकारी दिनुभयो ।युथ कांग्रेस नेपालले पक्राउ परेका नेता/कार्यकर्ताको रिहाइको माग पनि गरेको छ ।