राष्ट्रिय वाणिज्य बैंकमा आगलागी

भरतपुर – राष्ट्रिय वाणिज्य बैंक भरतपुरमा आगलागी भएको छ ।

भरतपुर महानगरपालिका–१० स्थित चौबीसकोठी चोकमा रहेको भवनमा आज बिहान आगलागी भएको हो ।

विद्युत् सर्ट भएर आगलागी भएको र महत्वपूर्ण कागजात,पैसाको लकर र सर्बर सुरक्षित रहेको सहायक प्रमुख जिल्ला अधिकारी जनकराज पन्तले बताएका छन् ।

दुई तले सो भवनको तल्लो तलाका अधिकांश सामान जलेर नष्ट भएका छन् ।