रियो छमछमी सिजन-४ को उपाधि मकवानपुरकी सन्ध्यालाई

काठमाडौं, कार्तिक १० – नेपाल टेलिभिजनको पर्दामा प्रसारण हुँदै आएको मेगा डान्स रियालिटी शो रीयो छमछमी सिजन-४ को उपाधि मकवानपुरकी सन्ध्या आचार्यले जितेकी छिन् । गए राति सम्पन्न अन्तिम प्रतिस्पर्धामा अन्य ४ जना प्रतिस्पर्धीलाई उछिन्दै सन्ध्या चौथो संस्करणको छमछमीको उपाधि जित्न सफल हुनुभएकी हुन । यसैगरि छमछमी सिजन-४ को फर्स्ट रनरअप महोत्तरीका नेशन सुश्लिङ मगर भए भने सेकेन्ड रनर अप झापाकी दिलमाया लिम्बू घोषित भईन । विभिन्न अडिसनका राउन्डहरु पार गरेर आएका प्रतियोगीहरु मध्येबाट ५ जना प्रतियोगीहरु अन्तिम प्रतिष्पर्धामा थिए । अन्तिम ५ मा परेका प्रतिस्पर्धीहरु मध्येबाट एसएमएस भोटिङको आधारमा विजेताहरुको छनौट गरिएको हो ।

प्रतियोगिताको उपाधि जित्न सफल सन्ध्या आचार्यले ALTO-K-10 कार प्राप्त गरेकी छन यसैगरी फस्ट रनरअप नेशन सुश्लिङ मगरले पाँच लाख रुपैयाँ बराबरको उपहार र सेकेण्ड रनरअप दिलमाया लिम्बूले तीन लाख रुपैयाँ बराबरको उपहार प्राप्त गरेका चन छन । यसैगरी प्रतियोगिताका उत्कृष्ट सात जनाले एक-एक लाख रुपैयाँ बराबरका उपहार प्राप्त गरेका छन् । कार्यक्रममा सञ्चार तथा सूचना प्रविधिमन्त्री गोकुलप्रसाद बाँस्कोटाले क्षमताको प्रस्फुटन हुने महत्वपूर्ण स्थान नेपाल टेलिभिजन भएको भन्दै प्रतिभाहरुले फल्ने र फुल्ने अवसर पाएकोमा खुशी व्यक्त गरे । नेपाल टेलिभिजनका कार्यकारी अध्यक्ष डा महेन्द्र विष्टले दूरदराजका नृत्य प्रतिभालाई अवसर प्रदान गर्न कार्यक्रम गरिएको बताउदै नेपाल टेलिभिजनले सधै राष्ट्रिय दायित्व निर्वाह गर्ने बताए । कार्यक्रम छमछमीमा मुख्य प्रायोजक चौधरी ग्रुपका प्रबन्ध निर्देशक निर्वाण चौधरीले मेगा डान्स रियालिटी शो रीयो छमछमी सिजन-४ को साथ रहन पाएकोमा खुशी व्यक्त गरे ।