र्‍यापर भिटेन पक्राउ, यस्तो छ कारण

काठमाडौं,कार्तिक ७ – भिटेन नामले चिनिएका र्‍याप गायक समिर घिसिङलाई प्रहरीले पक्राउ गरेको छ ।पछिल्लो समय युवा पुस्ताको रोजाईमा पर्दै आएका चर्चित र्‍यापर भिटेन जाउलाखेलबाट पक्राउ परेका हुन ।

भिटेनले गाएका गीत ‘हामी यस्तै त हो नि ब्रो’ ले समाज भड्किलो बनाएको र अश्लिल शब्दहरु राखेको भन्दै उजुरी परेपछि महानगरीय प्रहरी अपराध महाशाखाको टोलीले उनलाई पक्राउ गरेको हो ।

यसअघि महाशाखाले संस्कृति र परम्परामाथि नै आँच पुर्‍याउने गरी तिहारको देउसी भैलो गीत ‘ह्याप्पी तिहार, चिसो बियर’ सार्वजनिक गरेको भन्दै दुर्गेश थापालाई पक्राउ गरेको थियो ।

उनलाई युट्युबबाट गीत हटाएर माफी मागेपछि महाशाखाले रिहा गरेको थियो