लगातार बढ्दैं सुनको भाउ, कति छ तोलाको ?

काठमाडौं, माघ १३- नेपाली बजारमा सुनको मूल्य फेरि बढेको छ । सोमबार छापावाल सुनको मूल्य ५ सयले बढेको हो ।

आइतवार प्रतितोला ७५ हजार ५ सय रुपैयाँमा कारोबार भएको छापावाल सुनको मूल्यमा सोमवार ५ सय रुपैयाँ बढ्दै प्रतितोला ७६ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यसै गरी आइतवार प्रतितोला ७५ हजार २ सय रुपैयाँमा कारोबार भएको तेजावी सुनको मूल्यमा सोमवार ५ सय रुपैयाँ बढ्दै प्रतितोला ७५ हजार ७ सय रुपैयाँ पुगेको महासंघले जनाएको छ ।

यस्तै चाँदीको भाउ पनि तोलामा ५ रुपैयाँले बढेको छ । आज चाँदीको भाउ तोलाको ९ सय पुगेको महासंघले जनाएको छ । आइतबार तोलाको ८ सय ९५ मा कारोबार भएको थियो ।