विश्वभर पछिल्लो २४ घण्टामा थपिए २ लाख १४ हजार भन्दा बढी संक्रमित

काठमाडौं,साउन १२ – समाचार एजेन्सीहरुका अनुसार विश्वभर पछिल्लो २४ घण्टामा संक्रमित हुनेको संख्या २ लाख १४ हजार भन्दा माथि छ। यस्तै अमेरिकामा ४ सय ४५, ब्राजिलमा ५ सय ५६, मेक्सिकोमा ७ सय २९ एवम् दक्षिण अफ्रिकामा १ सय १४ जनाको मृत्यु भएको छ। यस्तै विश्वभर कोरोना संक्रमणपछि उपचार गराएर घर फर्किनेको संख्या १ करोड नाघेको छ।

पछिल्लो २४ घण्टामा विश्वभर १ लाख २९ हजार मानिस डिस्चार्ज भएसँगै कोरोनामुक्त हुनेको कुल संख्या १ करोड पुगेको हो। विश्वभर कुल संक्रमितको संख्या १ करोड ६४ लाखमध्ये ६ लाख ५१ हजार जनाको मृत्यु भइसकेको छ।