सुनको मूल्य तीन दिनमा दुई हजार रुपैयाँले घट्यो

काठमाडौं, भदौ २० । साताको पहिलो दिन आज आइतबार सुनको मूल्य घटेकोे छ । शुक्रबार ७२ हजार रुपैयाँमा कारोबार भएको छापवाला सुनको आज १ हजार रुपैयाँले घटेर ७१ हजार ५०० रुपैयाँमा कारोबार भएको छ।  नेपाल सुनचाँदी महासंघका अनुसार गत साताको बुधबारदेखि निरन्तर घट्ने क्रममा रहेको सुनको मूल्य आज आइतबारसम्ममा दुई हजार रुपैयाँले ओरालो लागेको हो।

त्यसैगरी आज तेजाबी सुनको मूल्य ७१ हजार २०० रुपैयाँमा कारोबार भएको छ । महासंघले आज प्रति १० ग्राम छापवाला सुनको मूल्य ६१ हजार ३०० रुपैयाँ कायम गरेको छ भने प्रति १० ग्राम तेजाबी सुनको मूल्य ६१ हजार ४५ रुपैयाँ कायम गरेको छ ।

त्यस्तै आज चाँदीको मूल्य पनि १५ रुपैयाँले घटेर प्रतितोला ८८५ रुपैयाँमा कारोबार भएको छ । महासंघले आज प्रति १० ग्राम चाँदीको मूल्य ७५९ रुपैयाँ कायम गरेको छ ।