स्टक एक्सचेन्समा अजोडको एक करोड कित्ता शेयर सूचीकृत

काठमाण्डौ, साउन १२ – अजोड इन्स्योरेन्स लिमिटेड र नेपाल स्टक एक्सचेन्ज लिमिटेड बीच प्रति शेयर अंकित तथा चुक्ता मूल्य एक सय कायम भएको १ करोड कित्ता शेयर सूचीकरण गर्ने सम्झौता सम्पन्न भएको छ ।

कम्पनीले सर्वसाधारण समक्ष एनआईबिएल एस क्यापिटल लिमिटेड (निष्काशन तथा बिक्री प्रबन्धक) मार्फत ३० लाख कित्ता साधारण शेयर खुल्ला बिक्री आव्हान गरेको थियो । यसरी सर्वसाधारणमा बितरण गरिएको ३० लाख कित्ता तथा कम्पनीका संस्थापकहरुले लगानी गरेको ७० लाख कित्ता शेयर समेत गरि जम्मा १ करोड कित्ता शेयर वितरण भई यस स्टक एक्सचेन्जमा सूचीकरण भएको छ ।

शेयर सूचीकरण सम्झौता पत्रमा यस स्टक एक्सचेन्जको तर्फबाट प्रमुख कार्यकारी अधिकृत श्री चन्द्र सिंह साउदले र कम्पनीको तर्फबाट प्रमुख कार्यकारी अधिकृत श्री कुमार बहादुर खत्रीले हस्ताक्षर गरे । सो अवसरमा अजोड इन्स्योरेन्स लिमिटेडको तर्फबाट नायव प्रमुख कार्यकारी अधिकृत श्री सुरेन्द्र थापा र मूख्य प्रवन्धक÷कम्पनी सचिव श्री बैद्यनाथ प्रसाद उपाध्याय समेतको सहभागिता थियो ।