हालसम्मकै उच्च विन्दुमा नेप्से

काठमाडौं, चैत २२ – आइतवार नेपाल स्टक एक्स्चेञ्ज(नेप्से) परिसूचकले हालसम्मकै उच्च विन्दु कायम गरेको छ ।  कारोबारमा नेप्से परिसूचक शून्य दशमलव ९८ प्रतिशत बढेर २ हजार ६५७ दशमलव ६१ विन्दुमा पुगेको हो । 

यस अघि गत फागुन ९ गते नेप्से परिसूचकले २ हजार ६४० दशमलव ३४ विन्दु कायम गरेको थियो । उक्त दिनको उच्च विन्दुलाई आइतवार नेप्सेले पार गरेको हो । यस अवधिसम्म २१० कम्पनीको रू. ८ अर्ब  ७७ करोड ४३ हजार बराबरको शेयर कारोबार भएको छ । यस दिन निर्जीवन बीमा समूहको परिसूचक सर्वाधिक ३ दशमलव ७३ प्रतिशत बढेको छ ।