५०.१४ अंकले बढ्यो नेप्से, १७ अर्ब २७ करोड १७ लाख रुपैयाँ बराबरको कारोबार

काठमाडौं, जेठ २३ – नेपाल स्टक एक्सचेञ्ज (नेप्से) आज आइतबार एकै दिन दुई नयाँ रेकर्ड कायम भएको छ । नेप्सेले आज हालसम्मकै उच्च कारोबार र उच्च विन्दुमा पुगेर नयाँ रेकर्ड कायम गरेको हो ।  आज नेप्से ५०.१४ अंकले बढेर दुई हजार नौ सय ६ दशमलब ९१ विन्दुमा पुगेको छ । यो हालसम्मकै उच्च विन्दु हो ।

त्यस्तै, आज १७ अर्ब २७ करोड १७ लाख बराबरको कारोबार भएको छ । यो हालसम्मै उच्च कारोबार हो । आज कारोबार भएका समूहमध्ये ६ वटा समूह बाहेक अन्य समूह बढेका छन् भने  आज १० कम्पनीको शेयरमूल्यमा उच्च बृद्धि भएको छ ।  

त्यस्तै, आज राधी विद्युत कम्पनीका लगानीकर्ताले सर्वाधिक गुमाएका छन् भने कारोबारको आधारमा आज सबैभन्दा बढी कारोबार नेपाल रि–इन्स्योरेन्स कम्पनी भएको छ ।