५५.७६ अंकले बढ्यो नेप्से, ११ अर्ब ३५ करोड १८ लाख रुपैयाँ बराबरको कारोबार

काठमाडौं, जेठ १९ – नेपाल स्टक एक्सचेञ्ज (नेप्से) आज बुधबार उच्च अंकको बृद्धि आएको छ । आज नेप्से ५५.७६ अंकले बढेर दुई हजार आठ सय २७ दशमलब १३ विन्दुमा पुगेको छ । आज ११ अर्ब ३५ करोड १८ लाख बराबरको कारोबार भएको छ भने कारोबार भएका समूहमध्ये म्यूचुअल फण्ड बाहेक अन्य समूह बढेका छन् ।

आज दुई कम्पनीको शेयरमूल्यमा पोजेटिभ सर्किट लागेको छ । आज शेयरमूल्यमा सर्किट लाग्ने कम्पनीहरुमा राष्ट्रिय बीमा कम्पनी, सनिमा माई हाइड्रोपावर कम्पनी रहेका छन् । 

त्यस्तै, आज राधी विद्युत कम्पनीका लगानीकर्ताले सर्वाधिक गुमाएका छन् । यस कम्पनीको शेयरमूल्य आज ७.२३ प्रतिशतले घटेको छ । यता, कारोबारको आधारमा आज सबैभन्दा बढी कारोबार नेपाल रि–इन्स्योरेन्स कम्पनी भएको छ । यस कम्पनीको आज एक अर्ब ३७ करोड ८७ लाख ९० हजार ६२२ रुपैयाँको शेयर कारोबार भएको छ ।