५ लाख भन्दा कम सेयर कारोबार गर्नेले प्यान लिनु नपर्ने

काठमाडौं – नेपाल धितोपत्र बोर्डले दोस्रो बजारमा ५ लाख रुपैयाँ भन्दा कम सेयर कारोबार गर्नेलाई लगानीकर्ताले स्थायी लेखा नम्बर लिनु नपर्ने व्यवस्था गरेको छ ।

बोर्डले प्रेश विज्ञप्ति जारी गरी ५ लाख भन्दा बढी कारोबार गर्ने लगानीकर्ताको मात्र प्यान नम्बर हुनु पर्ने व्यवस्था गरेको हो ।

साना लगानीकर्ताले चाहेमा प्यान नम्बरको प्रयोग गर्न सक्ने धितोपत्र बोर्डले जनाएको छ ।

लगानीकर्ताले दवाव दिएपछि बोर्ड प्यान नम्बर लागु गर्नबाट पछि हटेको हो ।

सरकारले चालु आर्थिक वर्षको नीति तथा कार्यक्रम र बजेटमा सेयर कारोबार गर्नेले अनिवार्य रुपमा प्यान नम्बर लिनु पर्ने व्यवस्था अनुसार बोर्डले बैशाख १ गतेदेखि यसलाई कार्यन्वयनमा ल्याउन लागेको थियो ।

लगानीकर्ताको सुझाव र अर्थ मन्त्रालयले गरेको निर्णय अनुसार ५ लाख रुपैयाँ भन्दा कम कारोबार गर्नेलाई प्यान नम्बर लागु नगर्ने निर्णय गरेको बोर्डले जनाएको छ ।