७१ करोडको लागतमा नेपालगन्जमा ‘द गोल्डेन ब्लिस होटल एन्ड रिसोर्ट’

काठमाण्डौँ — नेपालगन्जमा ७१ करोड बढीको लगानीमा भारतीय पर्यटकलाई लक्षित गरेर थप एक नयाँ होटल तयार भइरहेको छ ।

होटल तथा रेस्टुराँहरूको हब बन्दै गैरहेको नेपालगञ्जमा ‘द गोल्डेन ब्लिस होटल एन्ड रिसोर्ट’ केही समयभित्रै सञ्चालनमा आउन लागेको जनाइएको छ ।

करिब पौने अर्बको लगानीमा ‘द गोल्डेन ब्लिस होटल एण्ड रिसोर्ट’ निर्माण भइरहेको छ ।

भारतको हस्पिटालिटी क्षेत्रमा ख्याति कमाउँदै अगाडि बढेको ब्लिससँग मार्केटिङमा साझेदारी गरेको उक्त कम्पनीले भारतीय पर्यटकहरूलाई नै बढी लक्षित गरेको जनाएको छ ।

नेपालगन्ज विमानस्थल नजिकै जानकी–६ मा ४१ कठ्ठा क्षेत्रफलमा निर्माण भइरहेको ‘द गोल्डेन ब्लिस होटल एण्ड रिसोर्ट’ दुई महिनाभित्रै सञ्चालनमा आउने गरी तयारी भइरहेको प्रबन्ध निर्देशक सीताराम यादवले जानकारी दिए ।

— कारोबार