अख्तियारद्वारा तीन फरक क्षेत्रका १६ जनाविरुद्ध भ्रष्टाचार मुद्दा दायर

काठमाण्डौँ — अख्तियार दुरुपयोग अनुसन्धान आयोगले बिहीबार तीन फरक क्षेत्रका १६ जनाविरुद्ध विशेष अदालतमा भ्रष्टाचार मुद्दा दायर गरेको छ ।

बृहत्तर जनकपुरक्षेत्र विकास परिषदका तत्कालीन अध्यक्ष दिगम्बर रायसहित १० जना भ्रष्टाचारमा तानिएका छन् ।

उनीहरुमाथि रंगभूमि मैदान, गंगासागर र तिरहुतिया गाछी संरक्षणलगायत आठवटा ठेक्कामा सवा ७६ लाख रुपैयाँ भ्रष्टाचारको आरोप छ ।

उनीहरूले पाँचवटा ठेक्काको मूल्यांकन गर्दा लागत अनुमानभन्दा ३० प्रतिशत बढेको कारण देखाई मिलेमतोमा ७६ लाख २८ हजार ५ सय २ रुपैयाँ भ्रष्टाचार गरेको अभियोगपत्रमा उल्लेख छ ।

आयोगले भ्रष्टाचार निवारण ऐनबमोजिम सबैलाई एक वर्ष जेल सजाय र बिगोबराबरको सम्पत्ति जफत गर्न मागदाबी गरेको छ ।

— कान्तिपुर