अगस्ट महिनामा ओप्पो एफ नाइन सार्वजानिक गर्ने

 

चिनियाँ कम्पनी ओप्पोले एफ सिरिजको नयाँ स्मार्टफोन ओप्पो एफ नाइन ल्याउने भएको छ ।
नयाँ स्मार्टफोनलाई फिचरसँगै कलर र डिजाइनमा प्राथमिकता दिएको कम्पनीले जनाएको छ ।

ओप्पो एफनाइनमा कम्पनीले एफ सिरिजमै पहिलो पटक ग्राडियण्ट कलर डिजाइनको प्रयोग गरेको छ ।

कम्पनीले यही अगस्ट महिनाको अन्त्य सम्ममा ओपो एफनाइन सार्वजनिक गर्ने तयारी भइरहेको प्रेस विज्ञप्ती जारी गर्दै जानकारी दिएको छ ।

फोनमा कम्पनीले भीओओसी फ्ल्यास चार्ज र फरक खालको वाटरड्रप स्क्रिन डिजाइन समाहित हुनेछ । भीओओसी चार्जिङ र वाटरड्रप स्क्रिन सहितको ओपो एफनाइन वास्तवमै एक नवप्रबर्तनात्मक उपकरण रहेको कम्पनीको दाबी छ ।