अन्जान शाक्य राजदूतमा नियुक्त भएपछि महिला चेम्बरमा उर्मिला श्रेष्ठ

 

काठमाण्डौं – नेपाल महिला चेम्बरमा उर्मिला श्रेष्ठ चयन भएकी छन् ।

डा. अन्जान शाक्य इजराइलका लागि नेपाली राजदूतमा नियुक्त भएपछि महिला चेम्बरको नेतृत्व श्रेष्ठले पाएकी हुन् ।

डा शाक्यलाई हार्दिक बधाई तथा बिदाई समारोहको आयोजनामा नेपाल चेम्बर अफ कमर्सका अध्यक्ष राजेशकाजी श्रेष्ठ, वरिष्ठ उपाध्यक्षद्धय दिपक मल्होत्रा र कमलेश कुमार अग्रवालले महिला चेम्बरमा नयाँ सक्रिय महिलाहरुलाई सदस्यता प्रदान गरेका थिए ।

इजरालयका लागि नेपाली राजदूतमा बनेकी शाक्यले व्यवस्थापन विषयमा विद्यावारिधी गरेकी छन् । शाक्यसँग परराष्ट्र मामिला अध्ययन प्रतिष्ठानमा निमित्त कार्यकारी निर्देशक भएर काम गरेको अनुभव छ ।

शाक्य चर्चित गायिका समेत हुन् ।