अपराध र अपराधी मुलुकका शत्रु हुन : प्रहरी उपरीक्षक पौडेल

अन्जनराज न्यौपाने 

तनहुँ ११ असार – जिल्ला प्रहरी कार्यालय तनहुँमा भर्खरै  सरुवा भै आएका प्रहरी उपरीक्षक अरुण पौडेलले पत्रकार भेटघाट कार्यक्रममा अपराध र अपराधी मुलुकका सबैभन्दा ठुला शत्रु भएको बताएका छन्। जिल्लामा हुने गरेका विभिन्न जगन्य अपराधका घटनाहरु न्युनिकरण गराउन आफू सदैव  प्रतिबद्ध रहने बताए ।

समाजमा भएगरेका  हिंसा, आतंककारी  गतिविधिका घटना     बलात्कार, लुटपाट, चोरीपैठारी तथा लागू औषध ओसारपसार गर्ने गराउने  गिरोहहरुलाई तुरुन्तै  पहिचान गरि कानुन बमोजिमको कार्वाही गराउन आफू कठिवद्ध  रहेको पनि उनले स्पस्ट पारे ।  

   विभिन्न जघन्य अपराधमा संलग्न रहि लामो समयदेखि  फरार रहेका  अभियुक्तहरुलाई  खोजतलास गरि कार्वाहीको दायरा भित्र ल्याउन आफू  हर्दम तयार रहेको र रहि रहने प्रहरी प्रमुख पौडेल जानकारी दिए।

टोल – टोलमा गरिने घरेलु मदिरा बिक्रीवितरण  नियन्त्रण, प्रतिबन्धित विप्लव समूह बिरुद्धको कारवाहीमा केन्द्र ,जिल्ला स्तरका नेताहरुको खोजी कार्य गरिने पनि बताए ।

अवैध  काठ तस्करी  नियन्त्रण ,हातहतियार तथा खरखजाना , समूदाय प्रहरी साझेदारी कार्यक्रम,होटलमा गराईने यौनजन्य अपराध रोकथाम जुवा तास खेलाउने र खेल्ने उपर यथा सक्दो  कार्वाहीको प्रक्रिया अगाडि बढाउने प्रण पनि उनले गरेका छन ।  

        पत्रकार भेटघाट कार्यक्रमका क्रममा उनले   कोरोना भाइरसको महामारीमा विश्वमानै संक्रमण र  सन्त्रासको भयावह स्थिति   श्रीजना भैरहेको अवस्थालाई मध्ये नजरगरि पुर्ण  सावधानीपूर्वक स्वस्थ्य रहि समाचार संप्रेषण गर्न गराउन   विभिन्न संचार माध्यामहरुलाई अपिल समेत गरे।

       प्रहरी उपरीक्षक पौडेलले भित्र  प्रहरीको साथी म अभियान, हात धुने कार्यक्रम , कोरोना भाइरस सम्बन्धी सचेतनामुलक कार्यक्रम, जिल्ला प्रहरी कार्यलय भित्रै सेनिटाइजर बुथको व्यवस्थापन, करेन्टाईनमा सुरक्षा ब्यबस्थापन ,लकडाउन उलङघन गर्नेलाई कार्वाही लगायतका महत्वपूर्ण कार्यसम्पादन गरिने पनि उनले उल्लेख गरेका छन  । 

कार्यक्रममा जिल्ला प्रहरी कार्यालय तनहुँका प्रहरी नायव उपरीक्षक युवराज तिमल्सिना ,प्रहरी निरीक्षकद्व्य शिवराज क्षेत्रीय  र सविता केसीले  जिल्लाको शान्ति सुरक्षा र वर्तमान अवस्थाका विषयमा बोलेका थिए।