अमेजनको सीईओबाट जेफ बेजोसको राजीनामा

काठमाडौं । स्थापनाको २७ वर्षपछि जेफ बेजोसले सोमबार अमेजनको प्रमुखबाट राजीनामा दिएका छन् । प्रमुख कार्यकारीको पद एन्डी जेसीलाई हस्तान्तरण गर्ने घोषणा समेत गरेका छन् ।अमेजनलाई डिजिटलरुपमा पुस्तक विक्रीको प्लेटफर्मको रुपमा विकास गरेका बेजोसले कम्पनीको सेयर मूल्य १.७५ ट्रिलियन डलर पुर्‍याएका थिए । कम्पनी हाँकेको झन्डै २० वर्षपछि बेजोसले अमेजनलाई निरन्तरता नदिने बताएका हुन् ।

वासिङ्टन पोस्ट, स्पेस कम्पनी ब्लु ओरिजिनजस्ता कम्पनी र समाजसेवामा आफू व्यस्त हुने भन्दै उनले अमेजन छाड्न चाहेको कुरा गत फेब्रुअरीमै गरेका थिए । त्यतिबेला सीईओको पदलाई प्रमुख कार्यकारीको पदमा रुपान्तरण गर्ने उनको भनाइ थियो ।

कम्पनीमा सार्वजनिक भूमिका नहुने भएपनि केही वर्षदेखि अमेजनमा बेजोसको प्रभाव निकै उच्चरुपमा रहँदै आएको छ । एकल सेयरहोल्डरको रुपमा बढी हिस्सा भएको हैसियतमा अब जेसी प्रमुख कार्यकारी अधिकृत हुनेछन् ।

अमेजनको निकै कठिनपूर्ण चरणमा बेजोसले सीईओको भूमिकाबाट बाहिरिएका छन् । महामारीको कारण अमेजनको सेवाको उच्च माग छ भने नाफा कमाउनु दबाबमा पनि कम्पनी छ ।