अमेरिकामा एकैदिन थपिए पौने दुई लाख कोरोना संक्रमित

काठमाडौं, कात्तिक २९ –  कोरोना भाइरसबाट सबैभन्दा धेरै प्रभावित भएको मुलुक अमेरिकामा एकैदिनमा पौने दुई लाख मानिस संक्रमित हुन थालेका छन् । विश्वव्यापी महामारी फैलिएको सुरु देखि नै बढी संक्रमित रहेको अमेरिकामा अहिले पनि संक्रमितको संख्या दिन प्रतिदिन वृद्धि हुँदै गइरहेको छ ।

सरकारी अधिकारीहरुले दिएको जानकारी अनुसार पछिल्लो २४ घन्टामा अमेरिकामा एक लाख ७७ हजार मानिस कोरोना भाइरसबाट संक्रमित भएका छन् । एकैदिनमा यति धेरै संक्रमित भएको यो पहिलो भएको पनि अधिकारीहरुलाई उद्धृत गर्दै वासिङ्टनपोष्टले लेखेको छ ।

अहिले सबै राज्यमहरुमा कोरोना भाइरसबाट संक्रमितहरुको संख्यामा वृद्धि हुँदै गएको र कम्तीमा दश राज्यमा यो संख्या उच्च रहेको अधिकारीहरुले जनाएका छन् ।