अमेरिकी आइडलको शीर्ष सातमा दिवेश पोखरेल

 काठमाडौं, वैशाख २० –   अमेरिकन आइडलको प्रतिस्पर्धामा पुनः सहभागी हुने मौका पाएका नेपाली मूलका दिवेश पोखरेल (अर्थर गन) टप सेभेन अर्थात् उत्कृष्ट सातमा पुग्न सफल भएका छन् ।

अघिल्लो वर्ष​ अर्थात १८ औं संस्करणमा उपविजेता बन्न सफल पोखरेल १९ औं संस्करणमा पनि उत्कृष्ट सातमा पुग्न सफल भएका हुन् ।यो संस्करणमा सिजन १८ का १० प्रतियोगीलाई आयोजकले प्रतिस्पर्धामा मौका दिएको थियो । तीमध्ये एक दिवेश पनि हुन् । नेपाली मुलका दिवेशले प्रतिस्पर्धाको दुवै सिजनमा जजको माया पाउन समेत सफल भएका छन् ।