अमेरिकी राष्ट्रपतिका भाइ रोबर्ट ट्रम्पको निधन

काठमाडौँ, श्रावण ३२ – अमेरिकी राष्ट्रपति डोनाल्ड ट्रम्पका भाइको निधन भएको छ। ७१ वर्षीय रोबर्ट ट्रम्पको मृत्यु बारे ह्वाइट हाउसले आइतवार बिहान जानकारी दिइएको हो। बीबीसीका अनुसार उनको मृत्युको कारण भने खुलाइएको छैन।

उ मेरो भाइ मात्र होइन, मेरो सबैभन्दा मिल्ने साथी थियो, ट्रम्पले विज्ञप्तीमार्फत् भनेका छन्। ट्रम्प भाइलाई भेट्न शनिवार न्यूयोर्कस्थित एक अस्पतालमा पुगेका थिए। त्यहाँबाट निस्किए पछि ट्रम्पले पत्रकारहरूसँग भनेका थिए : उ निकै अप्ठ्यारो परिस्थितिसँग जुँध्दैछ।

रोबर्ट ट्रम्प डोनाल्ड ट्रम्पको घर जग्गा लगानीहरूको व्यवस्थापन गर्थे।