अर्घाखाँचीमा बस दुर्घटना, १० जनाको मृत्यु

काठमाडौं, मंसिर ११ – अर्घाखाँचीको सन्धिखकबाट बुटवल आउँदै गरेको बस दुर्घटना हुदाँ १० जनाको घटनास्थलमै ज्यान गएको छ ।

बुधबार दिउँसो करिब २ बजेतिर लु २ ख २१४८ बस सन्धिखर्कबाट बुटवल आउँदै गर्दा सन्धिखर्क नगरपालिका वडा नम्बर ६ नरपानीमा दुर्घटनामा परेको हो।

दुर्घटनामा परि १० जनाको ज्यान गएको सशस्त्र प्रहरी बलका प्रहरी नायब उपरीक्षक माधव रेग्मीले जानकारी दिए । घाइते सात जनालाई उपचारका लागि बुटवल पठाइएको जिल्ला प्रहरी कार्यालय अर्घाखाँचीले जनाएको छ ।

बस सडकबाट करिब तीन सय मिटर तल खसेको छ । ब दुर्घटनामा ज्यान गुमाउनेहरुको सनाखत हुन बाँकी रहेको प्रहरीले जनाएको छ ।