आइएमई जनरल इन्स्योरेन्स र नेसनल मेडिकल कलेजबीच सम्झौता

काठमाण्डौं – आइएमई जनरल इन्स्योरेन्स लिमिटेडले नगदरहित अन्तरंग सेवा स्वास्थ्य बिमा योजना ल्याएको छ

उक्त सेवालाई प्रादेशिक तहमा समेत विस्तार गर्ने उद्देश्यसहित आइएमई जनरल इन्स्योरेन्स लिमिटेड र वीरगन्जको नेसनल मेडिकल कलेजबीच सम्झौता भएको छ ।

सम्झौतामा आइएमई जनरल इन्स्योरेन्स लिमिटेडका नायब महाप्रबन्धक पवन थापा र नेसनल मेडिकल कलेजका निर्देशक अबिद हसन अन्सारीले हस्ताक्षर गरे ।

सम्झौताअनुसार आइएमई जनरल इन्स्योरेन्स लिमिटेडबाट औषधोपचार बिमा सेवा खरिद गर्ने ग्राहकलाई बिमालेखको सीमासम्म नेसनल मेडिकल कलेजमा नगदरहित अन्तरंग सेवा प्राप्त हुने जनाइएको छ ।