आइएमएस मोटर्सले ल्यायो फेष्टिभ डिलाइट् अफर

काठमाडौँ, आश्विन २८ –  नेपालका लागि स्याङयोङ्ग मोटर्सको आधिकारीक बिक्रेता आइएमएस मोटर्सले दशैं तिहारलाई लक्षित गर्दै “स्याङयोङ्ग फेष्टिभ डिलाइट्” अफर ल्याएको छ। आइएमएस ग्रुप अन्तर्गतको आइएमएस मोटर्सले मंगलबार सार्वजनिक गरेको अफरमा ग्राहकले ३ लाख सम्म छुट पाउन सक्ने आइएमएसले जानकारी दिएको छ। ग्राहकले आफ्ना पुराना सवारीसँग एक्सचेन्ज गरे बापत २ लाख सम्म एक्सचेन्ज बोनस् पनि पाउन सक्ने आइएमएस मोटर्सले जानकारी दिएको छ।

कम्पनीले कोभिड वारियर्सहरु (डाक्टरहरू, नर्सहरू, स्वास्थ्य सेवाकर्मीहरू र प्रहरीहरु) लाई थप १ लाख रुपैयाँ डिस्काउन्ट समेत दिइने जनाइएको छ। स्याङयोङ्गले ग्राहकहरुलाई यसप्रकार अफर प्रदान गरेको छ। त्यस्तै कम्पनीले एक वर्ष निःशुल्क बीमा, सात बर्ष सजिलो फाइनाइन्स, तीन बर्ष वारेन्टि, तीन बर्षसम्म निःशुल्क मर्मत लागत लगायतका सुविधा पाइने पनि जानकारी दिएको छ ।

त्यस्तै २५ हजार रुपैयाँ बराबरको निःशुल्क एसोसिरिज निःशुल्क सर्भिसिङ्ग (रिफरल ग्राहकहरूको लागि २ बर्ष सम्म) को सुविधा दिइने कम्पनीले जानकारी दिएको छ। स्याङयोङ्ग फेष्टिभ डिलाइट् अफर २८ देखि कार्तिक २६ गते सम्म लागु हुने जनाइएको छ।