आइतबार १ हजार ८३१ जनामा कोरोना संक्रमण पुष्टि, २० जना संक्रमितको मृत्यु

नेपालमा संक्रमित पत्ता लाग्ने दर २२ दशमलब ३ प्रतिशत रहेको छ

काठमाडौँ । पछिल्लो २४ घण्टामा देशभर एक हजार  ८३१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको ९ हजार  २१८ जनाको पिसिआर र एन्टीजेन परीक्षणमा एक हजार ८३३ जनामा संक्रमण पुष्टि भएको हो ।

स्वास्थ्य मन्त्रालयका अनुसार ५ हजार ५३५ जना पिसिआर परीक्षण गर्दा १ हजार २३७ र ३ हजार ६८३ जनाको एन्टीजेन परीक्षण गर्दा ५९४ जनामा संक्रमण पुष्टि भएको हो ।

नेपालमा संक्रमित पत्ता लाग्ने दर २२ दशमलब ३ प्रतिशत रहेको छ । अर्थात नेपालमा ५ जनाको परीक्षण गर्दा एक जना संक्रमित पुष्टि भइरहेका छन् । पछिल्लो २० घण्टामा २० जना संक्रमितको मृत्यु भएको छ । हालसम्म ९ हजार ३८२ जना संक्रमितको मृत्यु भइसकेको छ ।