आजको मौसम: चट्याङ र हावाहुरीसहित पानी पर्ने सम्भावना

काठमाडौं, चैत १ – देशका अधिकांश भूभागमा शनिबारको मौसममा सामान्य देखि पूर्ण बदली रहने जल तथा मौसम पूर्वानुमान महाशाखाले जनाएको छ ।आज देशका विभिन्न ठाउँमा चट्याङ र हावाहुरीसहित पानी पर्ने सम्भावना रहेको महाशाखाले जनाएको छ ।

पश्चिमी वायुको प्रभावले आज शनिबार पनि देशका विभिन्न ठाउँमा चट्याङ र हावाहुरीसहित पानी पर्ने र उच्च हिमाली तथा पहाडी भेगमा हिउँ पर्ने सम्भावना रहेको छ । यसकै प्रभावले अहिले पूर्वका केही ठाउँमा पानी परिरहेको छ भने काठमाडौंसहित मध्ये क्षेत्रको मौसम बदली भएको छ ।

पश्चिमको मौसम खुलेको छ तर केहीबेरमा काठमाडौंसहित मध्य र पश्चिममा घाम लागे पनि दिउँसोपछि बदली भएर चट्याङ र हावाहुरीसहित पानी पर्ने सम्भावना रहेको मौसमविद्ले बताएका छन् ।