आजको मौसम : हिमपात र हल्का वर्षाको सम्भावना

काठमाडौं,पुस १६- आज देशका केही स्थानमा हिमपात र हल्का वर्षाको सम्भावना रहेको मौसम पूर्वानुमान महाशाखाले जानकारी दिएको छ ।

आज काठमाडौं उपत्यकाको मौसम पनि पूर्ण रुपमा नखुल्ने मौसमविदले बताएका छन् । पश्चिमी वायुको प्रभावले आज देशभरि कै मौसम बदली हुने मौसमविद्ले बताएका छन् ।

आज देशका उच्च पहाडी र हिमाली क्षेत्रमा हल्का र मध्यम खालको हिमपात हुनेछ भने पहाड र तराईका केही स्थानहरुमा हल्का वर्षाको सम्भावना रहेको महाशाखाले जारी गरेको सूचनाका जनाइएको छ ।

मौसम बदली भएसँगै अधिकतम तापक्रम पनि घटेर देशभरि नै चिसो बढ्ने भएकाले सावधानी अपनाउन महाशाखले आग्रह गरेको छ ।