आबुखैरेनीमा बस दुर्घटना, ३ जनाको मृत्यु

मदन तिमल्सेना
तनहुँ , ९ चैत -तनहुँको आबुखैरेनीमा आईतबार साँझ बस दुर्घटना हुदा ज्यान गुमाउनेको संख्या ३ पुगेको छ । दुर्घटनामा परि घार्इते भएका अन्य १० को उद्दार गरिएको प्रहरीले जनाएको छ । गम्भीर घार्इते ३ जनालाई भरतपुर स्थित चितवन मेडिकल कलेज लगिएको छ ।

पोखराबाट नेपालगन्जतर्फ जादै गरेको ना ५ ख ४२९४ नं को यात्रुवाहक बस तनहुँको आबुखैरेनी गाउँपालिका २ ऐनापार्क सडकबाट करिब २५० मिटर तल मस्याङ्दी नदि किनारमा खस्दा तीन जनाको ज्यान गएको इलाका प्रहरी कार्यालय आबुखैरेनीले जनाएको छ । रातको समय र पानी परेका कारण दुर्घटनाका घाइतेको उद्दारमा निकै समस्या भएको इलाका प्रहरी कार्यालय आबुखैरेनीका नायब निरीक्षक राम बहादुर खत्रीले बताए ।