आरएमडीसी लघुवित्तद्वारा अपांग सेवा संघलाई सहयोग

काठमाडौं,फागुन १८– आरएमडीसी लघुवित्त वित्तीय संस्थाले संस्थागत सामाजिक उत्तरदायित्व अन्तर्गत ललितपुर जिल्ला, बुंमती स्थित अपांगता भएका बालबालिकालाई आश्रय दिँदै आइरहेको अपांग सेवा संघलाई सहयोग प्रदान गरेको छ ।

मंगलवार कम्पनीका प्रमुख कार्यकारी अधिकृत ज्योति चन्द्र ओझाले अपांग सेवा संघका अध्यक्ष दया राम महर्जनलाई रू. ५० हजार बराबरको खाद्य सामाग्री र अपांग सेवा संघको नाममा रू. ५० हजारको चेक हस्तान्तरण गरेका हुन् । 

उक्त अवसरमा अपांग सेवा संघका अध्यक्ष महर्जनले यस प्रकारको सहयोगले उक्त संघलाई ठूलो राहत तथा हौसला मिलेको खुसी व्यक्त गर्दै कम्पनीलाई धन्यवाद दिए । 

कम्पनीले नेपालका लघुवित्त वित्तीय संस्था तथा सहकारी संस्थाहरुलाई थोक कर्जा प्रदान गर्नुको साथै संस्थागत क्षमता विकासको लागि आर्थिक तथा प्राविधिक सहयोग उपलब्ध गराउँदै आइरहेको छ ।