आर्थिक संटकलाई पार लगाउन महासंघमा दरिलो नेतृत्व आवश्यक छः चन्द्रप्रसाद ढकाल

काठमाडौं, १७ कार्तिक – नेपाल उद्योगवाणिज्य महासंघका उपाध्यक्ष तथा वरिष्ठ उपाध्यक्षका उम्मेदवार चन्द्रप्रसाद ढकालले विश्व महामारीको रुपमा फैलिएको कोभिड–१९ का कारण संकटमा रहेका साना तथा मझौला व्यवसायलाई बचाउन महासंघमा अब आउने नेतृत्व सबल र सक्षम हुनुपर्ने बताएका छन् ।

उपाध्यक्ष ढकालले कारोना महामारीका कारण उद्योग र व्यवसाय क्षेत्र सबैभन्दा बढी मारमा परेको औल्याउदै सम्भावित आर्थिक संकटलाई पार लगाएर निजी क्षेत्रको प्रवद्र्धनमार्फत् देशको अर्थतन्त्रलाई उकास्न महासंघमा दरिलो नेतृत्व आवश्यक रहेको बताए ।

आज काठमाडौंमा भएको टीमका पदाधिकारीसहितका उम्मेदवारहरुसँगको अन्तक्र्रियामा उनले भने ‘कोभिडका कारण हामीले इतिहासमै कहिल्यै नसोचेको क्षति भोगेका छौं र अझै हामीलाई केकस्तो जटिलताको सामना गर्नुपर्ने हो भन्ने स्पष्ट भैसकेको छैन, त्यसैले पनि देशको उद्योग एवं समग्र व्यापार व्यवसायलाई बचाई राख्न र संरक्षण प्रदान गर्न पनि हामीलाई बलियो काँध चाहिएको छ’ । उनले थप्दै भने,’हामीले सही र सक्षम नेतृत्व चुन्नुपर्ने बेला आएको छ, महासंघको आगामी नेतृत्वले मुलुकको यो जटिल परिस्थितिलाई सहजतातर्फ उन्मुख गराउन महत्वपूर्ण भूमिका निर्वाह गर्नुपर्ने हुन्छ ।’ महासंघको नेतृत्वमा सफल र सक्षम व्यवसायी पुगेमा महासंघको गौरवपूर्ण इतिहास र ओज कायमै रहने पनि उनले कुरा राखे।

एक सशक्त व्यावसायिक नेटवर्कमा आवद्ध एउटा सफल व्यवसायी महासंघको नेतृत्वमा पुग्दा त्यस्तो व्यवसायीबाट निजी क्षेत्रले लाभ हासिल गर्न सक्ने स्थितीबोध गराउदै आफु देशका समग्र व्यवसायीका समस्या बारे जानकार रहेकोले समस्या निराकरण तर्फ अग्रसर रहने प्रातिबद्धता व्यक्त गरे ।

महामारीको बेलामा ज्यान जोगाउदै भोलिका लागि व्यवसायलाई पनि माथि उठाउन सबैले मिलेर बल दिनुपर्ने जिम्मेवारीमा अबको महासंघको नेतृत्वले काम गर्नुपर्ने उनले बताए । नेतृत्व भनेको संकटको समयको सारथी हो भन्दै यस्तै दुःखको बेलामा नै नेतृत्वको पहिचान हुने हुँदा आफूले महासंघको नेतृत्वमा पुगेपछि सबैले सम्झिन सक्ने र आडभरोसाको केन्द्र बन्न सक्ने गरी काम गर्ने प्रतिबद्धता दोर्याए । प्रकृतिले थपिदिएको यो चुनौतीसँग जुधेर देशको समग्र निजी क्षेत्रको मनोबल उँचो पार्ने काममा दरिलो आत्मविश्वासका साथ लाग्न पनि उनले आफ्नो टिमका सबै साथीहरुलाई आग्रह गरे । आफ्नो समूह अबका सबै चुनौतिको सामना गर्न सक्षम रहेको बताउँदै उनले आफ्नो समूहमा साना तथा मझौला व्यवसायीदेखि ठूलो व्यावसायिक घरानासम्मको उपस्थिति रहेकोले महासंघको आगामी कार्यकाल थप प्रभावकारी, नेतृत्वदायी र रचनात्मक रहने स्पस्ट पारे ।

उनले अन्तक्रिया माझ भने ’हाम्रो यो समूह सबै मुलुकको व्यापार व्यवसायको सबै किसिमका अनुभवले भरिएको छ, विश्वासले भरिएको छ । यसमा जिल्ला नगरका साना तथा मझौला व्यवसायदेखि केन्द्रका ठूलो व्यावसायिक घरानासम्मको उपस्थिति छ । त्यति मात्रै नभएर हाम्रो यो समूह गाउँ, जिल्ला,नगर देखि नीतिगत तहसम्म पहूँच पु¥याउन सक्छ ।’

उनले कोरोनाका कारण सिर्जना भएका आर्थिक चुनौतीको सामना गर्ने व्यक्तिगत पहल मात्रै काफि नहुने बताउँदै त्यसका लागि महासंघको नेतृत्वमा सही र सक्षम व्यक्तिहरु चयन गर्ने उपयुक्त अवसर आएको धारणा राखे । देशमा औद्योगिक वातावरण निर्माण गर्न, वैदेशिक लगानी भित्र्र्याउन, नयाँ प्रविधि भित्र्र्याउन, निजी क्षेत्रको सृजनात्मक भूमिका बढाएर व्यावसायिक क्षेत्रमा देखा परेका समस्या समाधान गर्न र व्यावसायीक हकहित तथा अधिकारका लागि सरकारसँग लविङ्ग गर्न सक्ने नेतृत्व चाहिएको बताउँदै आफ्नो समूहले महासंघलाई ठूला उद्यमीहरुको मात्रै नभई साना र मझौला उद्योगी व्यापारीको पनि साझा चौतारीका रुपमा काम गर्ने र सबैका समस्याको सुनुवाई हुने वातावरण बनाउने बताए । सो अन्तर्कृया भेलामा ढकाल समूहबाट उम्मेदवारहरु उमेशलाल श्रेष्ठ, गुणनिधि तिवारी, रामचन्द्र संघाई लगायतको उपस्थिति रहेको थियो ।