आर्सनलले लिभरपुलसँग प्रतिस्पर्धा गर्दै

काठमाडौँ, २१ चैत – प्रिमियर लिगमा आजराति आर्सनलले लिभरपुलसँग प्रतिस्पर्धा गर्दैछ । आजको खेलमा आर्सनलका डिफेन्डर डेविड लुइजले चोटका कारण खेल गुमाउने भएका छन । उनको घुँडामा चोट लागेको हो । यस्तै आर्सनलका बुकायो साका र इमिली रोवीपनि पुर्ण रुपमा फिट छैनन् ।

विलियन भने चोटमुक्त हुँदै टिममा फर्किएका छन । पछिल्ला तीन खेलमा चोटका कारण खेल्न नसकेका लिभरपुलका स्ट्राइकर रोबेर्टो फेरमिन्हो आजको टिममा हुनेछन । यस्तै जोर्डन हर्नान्डेज अझैपनि पुर्ण फिट छैनन् ।

आर्सनलविरुद्ध प्रिमियर लिगमा पछिल्ला २० अवे खेलमा लिभरपुलले दुुई खेलमा मात्र जित निकाल्न सकेको छ । उसले यसअघि सन् २०११ को अगष्टमा दुई शुन्यको जित निकालेको थियो भने २०१६ को अगष्टमा चार तीनले विजयी भएको थियो ।

घरेलु मैदानमा आर्सनलले लिभरपुललाई गत जुलाईमा पराजित गरेको थियो । प्रिमियर लिगका पछिल्ला आठ खेलमा आर्सनलले एक खेल मात्र हारेको छ । आजको खेलमा यदि आर्सनल विजयी भएमा घरेलु मैदानमा पहिलो पटक लगातार जित निकाल्नेछ ।

यो सिजनमा लिभरपुलले कुल ६ खेलमा पाँच खेल जितेको छ । उसले लेस्टरसँगमात्र हारेको थियो । तर प्रिमियर लिगमा लिभरपुल विचमा निकै खराव लयमा देखिएको थियो । लिगको सातौं स्थानमा रहेको लिभरपुल आर्सनलको चुनौतीलाई पन्छ्याएर सुखद नतिजाको अपेक्षामा छ ।

आजै लेस्टर सिटीले शिर्ष स्थानको म्यानचेस्टर सिटीसँग खेल्नेछ ।