इतर पक्षका चन्द्र ढकाललाई अन्जन श्रेष्ठको साथ

काठमाडौं, १३ मंसिर – नेपाल उद्योग वाणिज्य महासंघको जारी ५४ औ राष्ट्रिय महाधिवेशनमा अन्जन श्रेष्ठले इतर पक्षका चन्द्र ढकाललाई साथ दिदै समर्थन जनाएका छन् । किशोर प्रधान समुहका वस्तुगततर्फका उपाध्यक्ष पदका उम्मेदवार श्रेष्ठले चन्द्र ढकाल प्रति समर्थन जनाउदै फोटो खिच्न आग्रह गरेका थिए । भेटका क्रममा दुवैले कुइना ठोक्काउदै अभिवादन गरेका थिए ।

निर्वाचनको मिती नजिकिदै गर्दा चन्द्र ढकाललाई सर्वसम्मत रुपमा वरिस्ठ उपाध्यक्ष बनाउने चर्चा केही साता अघि देखी चल्दै आएको थियो । यद्यपी त्यसो भने हुन सकेन । तथापी गतिविधिहरु हेर्दा इतर पक्षकाले समेत ढकाललाई मन पराएको बुझिन्छ । आज चन्द्र ढकाललाई देख्ने बित्तिकै अन्जन श्रेष्ठले देखाएको गतिविधिले पनि महासंघ भित्र चन्द्र र उनको समुहको पल्ला भारी रहेको स्पस्ट हुन्छ ।