एकै दिन ९ हजार ८४१ जना संक्रमणमुक्त, ९६ जनाको मृत्यु, ६ हजार ९५१ जनामा संक्रमण पुष्टि

काठमाडौं, जेठ १४ – पछिल्लो २४ घण्टामा कोरोना भाइरस संक्रमणमुक्त हुनेको संख्या ९ हजार ८४१ पुगेको छ । एकै दिन संक्रमणमुक्त हुने यो अहिलेसम्मकै धेरै संख्या हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमणबाट ९६ जनाको मृत्यु भएको छ भने ६ हजार ९५१ जनामा संक्रमण पुष्टि भएको छ ।

१९ हजार ३१३ पीसीआर परीक्षणमा ६ हजार ८५५ र ७९७ एन्टिजेन परीक्षणमा ९६ जना गरी ६ हजार ९५१ जनामा संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ५ लाख ४९ हजार १११ पुगेको छ ।

नेपालमा हाल सक्रिय संक्रमितको संख्या १ लाख १३ हजार ३९४ मा झरेको छ ।