एक दशक पुरा गर्दै डिशहोमको प्लसमुभिच्यानल

काठमाडौं, चैत ६ – टेलिभिजनमा नेपाली चलचित्रहरू मार्फत दर्शकहरुलाई मनोरञ्जन दिने उदेश्य सहित डिशहोमले शुरु गरेको प्लस मुभि च्यानलले एक दशक पुरा गरेको छ । ​डिशहोममा मुभि अन डिमाण्ड नामबाट सुरु गरिएको यस च्यानल सन २०१२ देखी प्लसमुभि च्यानलको नामबाट सञ्चालन भईरहेको छ । यसमा दैनिक ८ शो नेपाली चलचित्रहरू प्रशारण गरिरहेको छ ।

नयाँ,पुराना तथा सबै विधाका नेपाली चलचित्रहरू प्रदर्शन गरिरहेको प्लस मूभि च्यानल डिशहोममा एचडी गुणस्तरमा हेर्न सकिन्छ । यस च्यानल मार्फत दूरदराजका दर्शकहरुले समेत नेपाली चलचित्र सजिलै हेर्न पाएका छन् । प्लस मूभिसंगै डिशहोमले रमाईलो, एक्सन स्पोर्टस्, सरोकार, रियालिटी टिभि, गुञ्जन, सिनेहिट्स, कमेडि प्लस्, डि मुभिज, जुनियर, राईम्स्, डि म्यूजिक, नेपाः, मधेश प्लस जस्ता आफ्नै च्यानलहरू पनि प्रशारण गरिरहेको छ ।