एसईई परीक्षा नसर्ने

काठमाडौं,फागुन २४- शिक्षा, विज्ञान तथा प्रविधि मन्त्रालयले माध्यमिक शिक्षा परीक्षा (एसईई)को तालिका यथावत् रहेको जनाएको छ । एसईई परीक्षा चैत ६देखि सञ्चालन हुन लागेको छ ।

कोरोना भाइरस संक्रमणको त्रासका कारण विद्यालय बन्द गरिएको तथा एसईई स्थगन भएको गलत सन्देश सामाजिक सञ्जालबाट आएपछि मन्त्रालयले यसबारे स्पष्ट पारेको हो ।

प्रवक्ता दीपक शर्माले शुक्रबार प्रेस विज्ञप्ति जारी गरी एसईई पूर्वनिर्धारित तालिकाअनुसार नै सञ्चालन हुने जनाएका छन् ।