एेन संशोधन गरी २ प्रतिशत ब्याजमै १० वर्षसम्म भूकम्प पीडितलाई कर्जा

काठमाडौं- नेपाल राष्ट्र बैंकले २ प्रतिशत ब्याजमै १० वर्षसम्म भूकम्प पीडितलाई कर्जा दिने प्रक्रिया अघि बढाएको छ ।

बैंकले भूकम्प पीडितका अतिरित्त बाढी पीडित र अग्नी पीडितलाई दिने समेत सहुलियत व्याजदरको आवास कर्जाको अवधि पनि १० वर्ष पुर्याउन पहल गरेको छ ।

नेपाल राष्ट्र बैंक एेन २०७३ मा आवश्यक संशोधन गरी विपत्मा परेका नागरिकलार्इ आवास निमार्ण गर्न दिन पुर्नकर्जाको अवधि १० वर्षसम्म गर्न लागिएको डेपुटी गभर्नर चिन्तामणि सिवाकोटीले बताए ।

बैंक तथा वित्तीय संस्थाहरूले भूकम्प पीडितसँग १२ देखि १४ प्रतिशन व्याज लिन थालेका थिए । व्याज बढेपछि भूकम्प पीडितहरूको गुनासो राष्ट्र बैंकमा आएको, यो विषयमा संसद्मा पनि आवाज उठेकोले एेन संशोधन गरी एउटा बुँदा थप गर्न राष्ट्र बैंकले अर्थ मन्त्रालयमा सिफारिस गरेको उनले जानकारी दिए ।