कक्षा ११ र १२ को परीक्षा स्थगित

काठमाडौं,चैत २५ – राष्ट्रिय परीक्षा बोर्डले कक्षा ११ र १२ को परीक्षा अर्को सूचना नआएसम्मका लागि स्थगित गरिएको जनाएको छ ।

मङ्गलबार बसेको बोर्डको बैठकले अर्को सूचना नआएसम्मका लागि परीक्षा स्थगित गर्ने निर्णय गरेको राष्ट्रिय परीक्षा बोर्डका सदस्य सचिव दुर्गाप्रसाद अर्यालले जानकारी दिए ।

कोरोना भाइरस (कोभिड – १९) को सङ्क्रमण तथा रोकथामको लागि देश लकडाउन चलिरहेकाले लकडाउन खुलेपछि मात्रै अर्को सूचना जारी गरी परिक्षा बारे जानकारी दिने बोर्डले जनाएको छ ।

यसैबीच माध्यमिक शिक्षा परीक्षा (एसईई) को परिक्षा पनि लकडाउन खुलेपछि विद्यार्थीलाई तयारीको लागि दुई हप्ता दिएर मात्रै परीक्षाको मिति तय गर्ने भएकाले त्यही अनुसारको तयारी गर्न आग्रह गरिएको छ ।

•