करको दायरा वृद्धि गरिएको अर्थमन्त्री खतिवडाको भनाई

काठमाण्डौँ – अर्थमन्त्री डा युवराज खतिवडाले सरकारले करको दायरा वृद्धि गर्दै लगेको बताएका छन्।

आन्तरिक राजश्व कार्यालय नेपालगञ्जको नवनिर्मित भवनको उद्घाटन गर्दै उनले सरकारले करको दर नभई दायरा वृद्धि गर्नेतर्फ अग्रसर भएको दाबी गरेका हुन्।

करदाता सेवा कार्यालयलाई राजश्व कार्यालयका रुपमा विकास गर्ने र भौगोलिक रुपमा नयाँ करदाता सेवा कार्यालय स्थापना गर्नतर्फ सरकार अग्रसर भएको उनले बताए।

उनले करको दायरा बढाउन र बक्यौता उठाउनतर्फ ध्यान दिन कर्मचारीलाई आग्रह गरे।

– नागरीक