कर्पोरेट मिडिया ग्रुपका अध्यक्ष शाह युगान्तरको वार्षिक उत्सव माझ सम्मानित

काठमाडौं, २५ माघ – आज सम्पन्न युगान्तर मिडियाको वार्षिक उत्सव कार्यक्रम माझ कर्पोरेट मिडिया ग्रुपका अध्यक्ष उज्जवल जंग शाह सम्मानित भएका छन् । बरिष्ठ पत्रकार एवम् सञ्चार उद्यमी शाहलाई पत्रकारिता एवम् संचारको क्षेत्रमा पुर्याएको योगदानको कदर गर्दै सम्मान गरिएको युगान्तर मिडियाले जनाएको छ ।

विगत दुई दशक देखि अत्यन्त निष्ठा र समर्पणका साथ सञ्चार क्षेत्रको विकासमा क्रियाशिल शाह अनुकरणीय र प्रेणादायी व्यक्तित्व रहेको सम्मान पत्रमा उल्लेख गरिएको छ ।

युगान्तर मिडियाबाट आज सम्मानित भएकामा अध्यक्ष शाहलाई कर्पोरेट परिवार हार्दिक बधाई व्यक्त गर्दै आयोजक प्रति धन्यवाद टक्र्याउन चाहन्छ