कर्मचारी लाई कोरोना देखिएपछि मन्त्री नेम्वाङ्ग क्वारेन्टिनमा

काठमाडौं, भदौ १९ – भौतिक पूर्वाधार तथा यातायात मन्त्रालयका एक उच्च अधिकारीलाई कोरोना भाइरसको संक्रमण पुष्टि भएको छ। गत बुधबार ती अधिकारीलाई कोरोना भाइरसको संक्रमण पुष्टि भएको हो।

स्रोतको अनुसार उनी एक निजी अस्पतालको आइसोलेसनमा बसेका छन्। मन्त्रालयका कर्मचारीलाई कोरोना भइरसको संक्रमण भएसँगै भौतिक मन्त्री बसन्त नेम्वाङ पनि होम क्वारेन्टिनमा बसेका छन्।

भौतिक मन्त्री नेम्वाङ आजको मन्त्रिपरिषद बैठकमा गएका छैनन्। ‘मन्त्रीज्यू र ती कर्मचारीको आइतबार भेट भएको थियो। आज ५ दिन पुगेको छ,’स्रोतले भन्यो,’मन्त्रीसँग कोरोना संक्रमित कर्मचारीको सम्पर्कमा रहेकाहरूको आज स्वाब झिकिएको छ।’

मन्त्रालयका ती उच्च अधिकारीले सोमबार स्वाब दिएका थिए।