‘कर मात्रै बढाएर आर्थिक वृद्धि हासिल गर्न सकिन्न, करकाे दायारा बढाउनु पर्छ’

काठमाण्डौं-अर्थमन्त्री डा. युवराज खतिवडाले कर मात्रै बढाएर आर्थिक वृद्धि हासिल गर्न नसकिने बताएका छन् ।

आन्तरिक राजश्व विभागले काठमाडौंमा आयोजना गरेको कार्यक्रमलाई सम्बोधन गर्दै खतिवडाले प्रदेश र स्थानीय सरकारलाई कर वृद्धि र खर्चमा संयमित हुन आग्रह गरेका हुन् ।

उनले भने– “प्रदेश र स्थानीय सरकारको जथाभावी कर सङ्कलनले वित्तीय सङ्घीयतामा नकारात्मक असर पर्छ । कर मात्र बढाएर आर्थिक वृद्धि गर्न सकिँदैन ।”

अर्थमन्त्रीले करको दरभन्दा दायरा बढाएर लगानीको वातावरण सिर्जना गर्नेतर्फ ध्यान दिन प्रदेश र स्थानीय सरकारलाई आग्रह गरेका छन् ।