काभ्रेको नागीडाँडामा आन्तरिक विमानस्थल बनाउने प्रक्रिया सुरु

 

काठमाडौं – त्रिभुवन अन्तर्राष्ट्रिय विमानस्थलको चाप घटाउन लागि काभ्रेको नागीडाँडामा आन्तरिक विमानस्थल बनाउने प्रक्रिया सुरु भएको छ ।

संस्कृति पर्यटन तथा नागरिक उड्डयन मनत्रालयले ५ वर्षभित्र यसको निर्माण सक्ने भन्दै काम अघि बढाएको हो ।

नेपाल नागरिक उड्डयन प्राधिकरणलाई विमानस्थल निर्माणको जग्गा प्राप्ती गर्न मन्त्रालयले यो वर्ष २५ करोड रुपैयाँ उपलब्ध गराएको छ ।

नागीडाँडामा हाल वातावरणीय प्रभाव मुल्यांकन (ईआईए)को प्रक्रिया अघि बढिसकेको छ ।

केही समयभित्रै ईआईए प्रतिवेदन आउने र त्यसपछि जग्गा अधिग्रहणको काम सुरु हुने उड्डयन प्राधिकरणले जनाएको छ ।