काभ्रेमा ५ प्रहरीसहित थप ६ जनामा कोरोना संक्रमण पुष्टि

साउन २४ – काभ्रेमा पाँचजना प्रहरीसहित थप ६ जनामा कोरोना संक्रमण पुष्टि भएको छ ।

बनेपा नगरपालिकाको जनागालमा रहेको संघीय प्रहरी इकाइ जनागालमा कार्यरत् पाँच प्रहरीमा कोरोना संक्रमण पुष्टि भएको हो ।

यसअघि, दुईजना प्रहरीमा संक्रमण भएपछि ‘कन्ट्रयाक ट्रेसिङ’ गर्दा शनिबार थप पाँचजनामा कोरोना संक्रमण देखिएको जिल्ला स्वास्थ्य कार्यालय काभ्रेका प्रमुख डा। नरेन्द्रकुमार झाले जानकारी दिनुभयो ।

यसैबीच, बनेपामा रहेको शिर मेमोरियल अस्पतालको ‘आइसोलेसन’ वार्डमा कार्यरत् एक कर्मचारीमासमेत कोरोनाको संक्रमण देखिएको छ ।

योसँगै काभ्रेमा संक्रमितको संख्या ४० पुगेको छ ।