कार दुर्घटनामा ग्लोबल आइएमई बैंकका शाखा प्रमुख पाण्डेको मृत्यु

कपिलवस्तु,मंसिर २३- पूर्वपश्चिम राजमार्गअन्तर्गत कपिलवस्तुको बाणगंगा ८ बोडगाँउ नजिकै भएको कार दुर्घटनामा ग्लोबल आइएमई बैंक बनगाईका शाखा प्रमुख सुरेश पाण्डेको मुत्यु भएको छ ।

पश्चिमबाट पूर्वतर्फतर्फ आउँदै गरेको बा८च ६३९० नम्बरको कार सोमबार बिहान दुर्घटना हुँदा कपिलवस्तु नगरपालिका ९ हरनामपुरका २८ वर्षीय सुरेश पाण्डेको मुत्यु भएको हो।

तीव्र गतिको कार सडकको छेउमा रहेको विद्युत् पोलमा ठोक्किँदा गम्भीर घाइते भएका पाण्डेको बाणगंगा सामुदायिक अस्पतालमा उपचारको क्रममा मृत्यु भएको प्रहरीले जनाएको छ।

दुर्घटनामा अन्य ५ जना घाइते भएका छन्।