कुलेखानी ३ विद्युत् आयोजनाको काम अवरुद्ध

काठमाण्डौँ — कुलेखानी ३ विद्युत् आयोजनाको निर्माण कम्पनीका मजदुरहरूले काम रोकेका छन् ।

तीन महिनादेखिको मासिक तलब नदिएकाले उनीहरूले काम गरेका छैनन् ।

इलेक्ट्रो मेकानिकलको जिम्मा पाएको चिनियाँ ठेकेदार कम्पनी जेजियाङ जियालिङले हुलासलाई काम गर्ने जिम्मा दिएको छ ।

हुलास कम्पनीले काम गराइरहेका ६० कामदारलाई तलब उपलब्ध नगराएकाले आयोजनाको काम रोकिएको आयोजनाका एक अधिकृतले बताए ।

हुलास कम्पनीका मेनेजर शरद गोल्छाले चिनियाँ कम्पनीले रकम उपलब्ध नगराएकाले मजदुरलाई तलब दिन नसकेको बताए ।

— कान्तिपुर