कैलालीमा थप एक महिलामा देखियो कोरोनाको संक्रमण

कैलाली, बैशाख १ – कैलालीको लम्की चुहा नगरपालिका–१ मा एक ६५ वर्षीया महिलामा कोरोनाभाइरसको संक्रमण देखिएको छ । योसँगै नेपालमा कोरोना संक्रमितको संख्या १३ पुगेको छ ।

उनको शुरुमा –यापिड टेस्ट गर्दा कोरोना नेगेटिभ देखिएको भएता पनि पीसीआर मेसिनबाट थप परीक्षण गर्दा उनमा कोरोनाभाइरसको संक्रमण पुष्टि भएको हो । यसको पुष्टि स्वास्थ्य मन्त्रालयले पनि गरिसकेको छ ।

उनी वीरगञ्जबाट चैत १७ मा लम्की आएकी थिइन् । उनी लम्की वहुमुखी क्याम्पसको करेन्टाइनमा बस्दै आएकी थिइन् । उनलाई अहिले आइसोलेसनमा राख्नका लागि एम्बुलेन्सबाट सेती प्रादेशिक अस्पतालमा पठाइएको छ ।