कोभिडका कारण रोकिएको हिमालय एयरलाइन्सको दुबई उडान पुनः सुरु

कोभिड–१९ महामारीका कारण रोकिएको हिमालय एअरलाइन्सको दुबई उडान पुनः सुचारु भएको छ । कोरोना महामारीपछि लामो समय रोकिएको दुबई उडान अब साताको तीन पटक हुने एयरलाइन्सले जनाएको छ ।
हिमालय एअरलाइन्सको काठमाडौं÷दुबई÷काठमाडौं उडान युएईको कोभिड १९ सुरक्षा मापदण्ड पालना गर्दै यात्रु आवागमन खुकुलो बनाएसँग सुरु गर्न लागेको एअरलाइन्सले जनाएको हो ।एअरलाइन्सले काठमाडौंबाट हरेक आइतबार, मंगलबार र बिहिबार दुबई उडान गर्ने जनाएको छ । त्यसैगरी, दुबईबाट हरेक सोमबार, मंगलबार र बिहिबार काठमाडौं उडान गर्ने जनाएको छ ।

लामो समयपछि हुन लागेको दुबई उडानको अवसरमा हिमालय एयरलाइन्सका अध्यक्ष झोउ इंयोङले पहिलो तीनजना यात्रुलाई विशेष उपहार र बोर्डिङ पास दिएर बिदा गरेका थिए ।

सोही अवसरमा उनले भने, ‘कोभिड महामारीका कारण रोकिएका उडानहरु फेरि सुरु गर्नु हाम्रो लागि पक्कै पनि चुनौतीपूर्ण छ । तर पनि हामीले यूएईसँग आफ्नो संजाललाई फेरि पूर्ववत अवस्थामा अघि बढाउने तयार छौं । हामी यो संजाललाई पुनस्थापित गर्न पाउँदा उत्साहित समेत भएका छौं ।’