कोरोनाबाट निको हुनेको संख्या ५० हजार पुग्यो

काठमाडौं, आश्विन  ८ – कोरोनाबाट निको हुनेको संख्या ५० हजार नाघेको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा थप ४५७ जना निको भएको जानकारी दिए।

यीसहित हालसम्म निको हुनेको संख्या ५० हजार ४११ पुगेको हो। कुल संक्रमितमा निको हुनेको दर ७२. ७ प्रतिशत हो।  मन्त्रालयका अनुसार अहिले देशभर १८ हजार ४३७ जना सक्रिय संक्रमित रहेका छन्। हालसम्म मृतक ४५३ जनामा कोरोना पुष्टि भएको छ।

हालसम्म कुल संक्रमित भएकाको संख्या ६९ हजार ३०१ पुगेको छ।