कोरोना संक्रमणका कारण पत्रकार ओझाको निधन

काठमाडौं, जेठ ८ –  पत्रकार महासंघ रेडियो नेपाल प्रतिष्ठान शाखाका सदस्य कृष्णप्रसाद ओझाको कोरोना संक्रमणका कारण ५४ वर्षको उमेरमा निधन भएको छ । कोरोना संक्रमण पुष्टि भएपछि काठमाडौंको कलंकीस्थित नेशनल अस्पतालमा उपचाररत ओझाको जेठ ७ गते शुक्रबार उपचारकै क्रममा निधन भएको हो ।

खोटाङको वडाका दियाले–७ निवासी ओझा २०४९ सालदेखि रेडियो नेपालमा कार्यरत थिए । उनको निधनले  एक कुशल र जुझारु सदस्य गुमाएको नेपाल पत्रकार महासंघले जनाएको छ । महासंघले स्वर्गीय ओझाप्रति हार्दिक श्रद्धाञ्जली अर्पण गर्दै दिवंगत आत्माको चिरशान्तिको कामना गरेको छ ।

कोरोनाकै कारण हालसम्म १६ जना पत्रकार निधन भएको छ भने ८ सय ५० भन्दा बढी पत्रकार संक्रमित भएका छन् ।